صباح النور والإشراقة
Morning Morning my friends
شلونكم أصدقائي شخباركم ان شاءالله دوم بصحه وعافيه
طبعا كل إنسان بالحياه عنده مجالات يبدع فيها .. ساعات تكون افكار مألوفه و متداولة لكن لمساته الخاصه معطية رونق وإقبال، وأحيانا تكون افكار مبتكره ويديده وتكتسح الساحه بكل جاذبيه ، وبالحالتين برافوو،، تخيلوا ان هذا التميز موجود داخلنا كلنا،
تبدي بهوايه وفكره وتنتهي بواقع جميل بتوفيق من الله
واللي عنده هوايه يمارسها بحب طبيعي يبدع فيها ويتقنها، بالنسبة لي الحياكه هوايه جميله وممتعه والله، وعشان تتقنينها لازم تحبينها حالها حال الهوايات الثانية ،، كل شئ بالحياه مع الممارسة يصير اسهل ، بدايتي مع الحياكه كانت مأساه ههههه خل نكون صريحين باختصار بدعت .. لكن الأخطاء والصعوبات اللي واجهتني كانت بحد ذاتها اللي زادتني اصرار أني انحج لأني حابه الفكرة ،، كانت امنيتي أني اسوي بروجكت صغيرون واخلصه بإمتياز لين الله وفقني صرت متمرسة بالموضوع وافهم بالغرز والباترون .. تصدقون ساعات كنت انهار من التعب .. لكن بالنهاية شعوري لا يوصف
الجانب الشخصي ساعدتني بوايد أشياء اكثر شئ لاحظته بنفسي الهدوء وطوله البال.. محد كان مصدق لان طبيعه شخصيتي إذا اندمجت بشغله ما احب افقد التركيز اتنرفز .. للحين هذي العاده موجوده ما اختفت لكن قاعد تتحسن هههههه، والحياكة فن رائع يتطلب اصرار وعزيمه ما تستلمين من اول هزيمه بالعكس خلج قدهها
Dee .. xoxo